Plattdüütsch

Schall ik di mal wat vertellen?

Mien Moderspraak is Plattdüütsch un wat liggt dorüm neger, ok as plattdüütsche Komödiant över Land to trecken?

Nix, un dorüm maak ik dat ok! De Palttdüütschen will ik dat an düsse Steed ok nu verraden, Plattdüütsch is veel beter as Hoochdüütsch. Dat wöllt de Hoochdüütschen partou nich begriepen. De Bayern, Schwaben un all de annern ok nich. Laat jüm man, op düsse Siet köönt se nu nich mitmacken.

To fiern gift dat noog. Wenn du nu ober wat to fiern hest, Burtsdag, Silberköst, oder wat weet ik? Du hest de Lüüd inladen, Nobers, Frünn'n, Verwandtschopp, de Buckeligen ok. Dat Lokal is utsöcht, dat Eten besnackt, de Kapell de kümmt. Bloots een'n Komödianten hest du noch nich? Denn hölp ik di! Verspraken! Griep di dat Telefon, laat uns snacken, ik heet Jürgen.

Op dat de Füerwehrkeerl is, de Buer Adsche, de Regenbagenkeerl, wat ok jümmers, du kannst dat all'ns op Plattdüütsch kriegen.